غزة: ظل الفلسطيني طلال طه، المعروف في غزة باسم «رجل الجرائد»، يجمع الصحف على مدى نصف قرن حتى تكدست عُلّيّة منزله بنحو 25 ألف جريدة يومية.وقال طه (73 عاما) «كتير يتكلموا ويقولوا إيش بدك من الجرائد، انتهى وضعهم، قلتلهم ما انتها وضعهم، إنتو إللي انتهيتوا، المتعة في الإشي، أنا أطلع على صورة ولا أطلع على ورقة أمسكها الاقيها إلها 40-50 سنة، مسكة الجريدة إلها متعة، ومش بس الجريدة، أي ورقة قديمة وتمسكها وتتطلع فيها تختلف اختلاف كليا عن التصوير». وبدأ طه جمع الجرائد في السبعينيات مع تقلبات العلاقات الإسرائيلية المصرية من حرب 1973 وحتى اتفاقية السلام عام 1979.وذكر «أنا بديت أبلش الصحف من أول السبعينيات، وأول ما بديت بسنة السبعينيات لما صارت اتفاقية كامب ديفيد وعملية حرب أكتوبر سنة ال 73».ويستيقظ طه بعد الفجر مباشرة ويتابع الأخبار على محطات الإذاعات العربية والإسرائيلية والدولية حتى تصل الجرائد الفلسطينية الأربع، وهي القدس والأيام والنهار وفلسطين، إلى باب منزله.ويكتب طه اسمه ورقم هاتفه وعنوانه على كل جريدة قبل قراءتها. وبمجرد أن ينتهي من القراءة يضعها في العُلَّية.وذكر «فش واحد يتوفى عنا ببيت لاهيا لازم أسجل عنه نبذة تاريخية عن حياته، وبعدين أي إنسان يبعتلي كرت فرح من الأفراح لازم يُحتفظ، لازم أي كرت بيجيني من الأفراح من ناس لازم احتفظ فيه، يعني يمكن عندي في الدار أكثر من 3000 كرت، خلاص عندي ميزة، أي واحد بيعطيني ورقة لازم احتفظ فيها، أعطيني ورقة إن شاء الله بعد 20-30 سنة بتلاقيها موجودة».ووفقا للبيانات الفلسطينية، يشكل الأطفال ما يقرب من نصف سكان غزة البالغ عددهم 2.3 مليون نسمة.